ODILIENT HAQIDA
Kichik studiya.
Juda yuqori talablar.
Uch nafar muhandismiz va imkonimizdan kamroq mijoz olamiz — toki har bir loyiha bilan studiyaga o‘z nomini bergan odamlarning o‘zi shug‘ullansin. Akkaunt-menejerlarsiz, autsorsingsiz, shablonlarsiz.
Muhandislar qurgan studiya, agentlik emas
Odilient uch aka-ukadan boshlangan. Biz uchun kod hech qachon ish bo‘lmagan — uni zavq uchun yozardik. Dasturlash, matematika va fizikadan olimpiada medallari. Xakatonlardagi g‘alabalar. Bolaligimiz nimadir yaratish bilan o‘tgan — chunki busiz turolmasdik.
Biz agentlikni sayt sotish uchun ochmadik. Uni qilishga arziydigan narsalarni yaratish uchun ochdik — va jahon darajasidagi muhandislik Silikon vodiysi narxida bo‘lishi shart emasligini isbotlash uchun.
Bu — bizning hunarimiz, ishqimiz va har bir loyihadagi nomimiz. Shuning uchun har bir ishni muhim deb bilib quramiz. Chunki biz uchun u haqiqatan ham muhim.
Haqiqiy oilaviy biznes
Har bir loyiha uchalamizning qo‘limizda qoladi — bu cheklov emas, o‘z tanlovimiz. Loyihani rejalashtirgan odamning o‘zi uni quradi va ishga tushgandan keyin ham uzoq vaqt yonida qoladi. Loyihani tushunadigan odamlar almashmasa, ish tezroq yuradi va sifat pasaymaydi.
Odil — biz o‘ylab topgan brend emas. Bu bizning familiyamiz. Loyihangizni topshirar ekanmiz, unga tug‘ilgandan beri ko‘tarib yurgan familiyamiz bilan imzo chekamiz — va bunga yengil qaramaymiz.
Kafolat bera olmaydigan hech narsani topshirmaymiz. Chunki har bir loyiha ortida kompaniya turmaydi. Oila turadi.
Besh majburiyat
Har biri bizga nimadir evaziga tushadi. Shundan bilasizki, bu quruq gap emas.
Axloqimiz sotilmaydi
Odamlarga zarar yetkazadigan yoki zarardan foyda ko‘radigan ishlarni olmaymiz: qimor, pul tikish, foizli kreditlar, kattalar uchun kontent, alkogol va xavfli mahsulotlar. Byudjet qanchalik katta bo‘lmasin, farqi yo‘q. Bunday ish shunchaki biz uchun emas: Alloh oldida pok qolishni va qilgan har bir loyihamizni oilamizga faxr bilan ko‘rsatishni istaymiz.
Odamlarga foyda keltirsa — arzonroq
Loyihangiz hayot saqlasa, odamlarga ta’lim bersa, muhtojlarga yordam bersa yoki sog‘liqni yaxshilasa, narxni o‘zgartiramiz — foydamiz juda oz bo‘ladi yoki umuman bo‘lmaydi. Bu reklama uchun qilinadigan xayriya emas. Shunchaki shunday qilish to‘g‘ri deb hisoblaymiz. Buning evaziga eng faxrlanadigan ishlarimizda pul yo‘qotamiz. So‘rang — narxni aynan shunday hisoblab beramiz.
Rostini aytamiz
Shartnoma imzolatish uchun zaif g‘oyani maqtamaymiz. Rejangiz hozirgi holida ishlamasa yoki keraksiz narsalarga pul to‘layotgan bo‘lsangiz, buni ochiq aytamiz. Vaqtingiz va pulingizni o‘zimiznikidek asraymiz. Buning evaziga oson bitimlardan ayrilamiz. Biz hamma narsaga rozi bo‘ladigan mijozlarni emas — uzoq yashaydigan narsa quradigan hamkorlarni izlaymiz.
Na hiyla, na yomon kod
Quruq va’dalar sotmaymiz va zaif kodni chiroyli dizayn ortiga yashirmaymiz. Bu sohada kodni o‘qiy olmaydigan mijozni aldash oson. Biz hech qachon bunday qilmaymiz. Buning evaziga oson yo‘llardan voz kechamiz. Biz yaratgan narsa ichidan ham to‘g‘ri ishlaydi va yillar davomida ishlab turadi — faqat faxrlana oladigan ishimizni topshiramiz.
So‘zimiz qog‘ozdan mustahkam
Bu sohada ko‘p narsa shartnomaga tayanadi. Biz esa eskiroq qoidaga amal qilamiz: aytdikmi — qilamiz. Muddat va’da qilsak, unga ulgurish uchun bor kuchimizni sarflaymiz. Xato qilsak, o‘z hisobimizdan tuzatamiz. G‘oyalaringiz, sirlaringiz va qanday ishlashingiz oramizda qoladi. Buning evaziga shartnoma berishi mumkin bo‘lgan har qanday bahonadan mahrum bo‘lamiz.
Mahsulotingizni bu ishni hali pul keltirmasidan oldin sevgan odamlar quradi.
Hech birimiz buni o‘n ikki haftalik kursda o‘rganmaganmiz. Hammasi zavq uchun qiladigan ishimizdan boshlangan: maktab olimpiadalari, hech kim bermagan masalalar, oxirida mijozi yo‘q loyihalar. Tayyorgarlik jiddiy bo‘lgan. Lekin sabab hech qachon u bo‘lmagan.
Siz aynan shu uchun pul to‘laysiz. Sahifa sekin yuklansa, sababini bir sprintda emas, yarim kunda topamiz. Ko‘rinib turgan yechim noto‘g‘ri bo‘lsa, u sizga qimmatga tushmasidan oldin aytamiz. Har bir satr esa noldan yoziladi — shablonlarsiz, sayt konstruktorlarisiz, o‘zimiz tuzata olmaydigan begona qo‘shimchalarsiz.
- Informatika olimpiadasi sovrinlariRespublika va xalqaro miqyosda
- Matematika olimpiadasi sovrinlariRespublika miqyosida
- Fizika olimpiadasi sovrinlariRespublika miqyosida
- Sport dasturlashXalqaro miqyosda
- Xakaton g‘oliblariRespublika va xalqaro miqyosda
Loyihangiz qanchaga tushishini bilib oling.
Uchta maydonni to‘ldiring — 24 soat ichida qat’iy narx va topshirish sanasini yuboramiz. Bu bepul va sizni hech narsaga majbur qilmaydi.
Endi loyihangiz haqida gaplashaylik
Biznesingiz nima bilan shug‘ullanishini va mahsulot nima qila olishi kerakligini ayting. Javobiga qat’iy narx va topshirish sanasini olasiz — bepul va hech qanday majburiyatsiz.